Srirangapankajam

February 26, 2009

Pesum Arangam-40

Filed under: PESUM ARANGAM — srirangapankajam @ 11:15 pm

Chapter-40
24.02.2009

ப்ரபத்யே பாதுகாரூபம் ப்ரணவஸ்ய கலாத்வயம் !
ஓதம்மிதமிதம் யஸ்மிந் அநந்தஸ்யாபி தத்பதம் !!

பாதுகாரூபம்: பாதுகையினுடைய ரூபமாயிருக்கின்ற
கலாத்வயம்: இரண்டு பாகம் (அ, உ என்கின்ற இரண்டு பாகம்) – ஒதம்: ‘ஓ” என்கின்ற

பெருமாளின் பாதுகைகள் இரண்டும் எப்போதும் இணைபிரியாது, ப்ரணவத்திலுள்ள அ, உ என்ற இரண்டு
எழுத்துக்களும் சேர்ந்த ‘ஓ;’ என்கிற எழுத்து போலிருக்கின்றது.

‘அ’ காரமும் ‘உ’ காரமும் சேர்ந்த ஒரு எழுத்துதான் ‘ஓ’ என்னும் எழுத்து. ‘அ’ என்கிற எழுத்து பெருமாள் ‘உ’ என்கிற எழுத்து தாயார்.

எப்படி பெருமாளும் தாயாரும் இணைபிரியாது இருக்கின்றார்களோ அது போன்று இந்த பாதுகைகளும் சற்றும் பிரிவதில்லை.

எப்படி பெருமாளும் தாயாரும் ஒன்றாகயிருந்து இந்த உலகை ரக்ஷிக்கின்றார்களோ அது போன்று இந்த இரு பாதுகைகளும் பெருமாளுடைய திருவடிகளை விட்டுப் பிரியாமல் உலகத்தைக் காப்பாற்றுகின்றது.

பாதுகையே சரணம் என்றடைந்தவன் –
பெருமாளையே சரணடைந்தவன்தான்.

இந்த ‘ஓ’ என்கிற எழுத்து ‘ம்’ என்ற எழுத்துடன் சேர்ந்தேதான் இருக்கும். ‘ஒ’ என்கிற எழுத்து பெருமாளும் தாயாரும், ‘ம்’ என்கின்ற எழுத்து ஜீவன். பெருமாளும் தாயாரும் நம் எல்லா ஜீவனிடத்தும் பிரியாமல் உள்ளார்கள்.

இதனைத்தான் ‘ஓ’ என்கிற எழுத்தும் ‘ம்’ என்கிற எழுத்து இணைந்து நமக்கு ‘ஓம்’ காரமாய் உணர்த்துகின்றது.

இந்த இணைபிரியாத பாதுகைகள் இது எல்லாவற்றிலும் சிறந்தது. பெருமாளின் திருப்பாதங்களையும் சேர்த்து பாதுகாக்கின்றதே!

ஆழ்வார், ஆச்சார்யன் ஆகியோரை அடைந்தவன் அரங்கனை அடைந்தவன்தான். ஏனெனில் ஆச்சார்யர்களும், பெருமாளும் ஒருவருக்கொருவர் பிரிவதேயில்லை.

பெருமாள் ஆச்சார்யனுக்கு ஸ்வாதீனமாயிருக்கின்றார்.

ஆச்சார்யன் திருவடிகள் அளவிலா ஆனந்தம்!.

Create a free website or blog at WordPress.com.

%d bloggers like this: